ಕ್ಯೂ ಆರ್ ಕೋಡ್ ನ ಉಪಯೋಗ

ಇಂದು ಈ ಕ್ಯೂ ಆರ್ ಕೋಡ್ ಹಲವು ಕಡೆ ಬಳಕೆ ಆಗುತ್ತಿದೆ. ಎಲ್ಲೆಲ್ಲಿ? ಬನ್ನಿ ನೋಡೋಣ.

ಮಾರ್ಕೆಟಿಂಗ್ ಮತ್ತು ಜಾಹೀರಾತು

ಗ್ರಾಹಕರಿಗೆ ವೆಬ್ ತಾಣದ ವಿಳಾಸ, ವಿಡಿಯೋ ಲಿಂಕ್, ಪ್ರೋತ್ಸಾಹಕರ ಕೊಡುಗೆಗಳು ಅಥವಾ ಹೆಚ್ಚಿನ ಮಾಹಿತಿ ನೀಡಲು ಜಾಹೀರಾತಲ್ಲಿ ಹಾಗೂ ವ್ಯಾಪಾರ ಪ್ರಚಾರ (ಮಾರ್ಕೆಟಿಂಗ್ ಕ್ಯಾಂಪೇನ್) ನಲ್ಲಿ ಬಳಕೆ ಮಾಡುತ್ತಾರೆ.

ವಸ್ತುಗಳ ಪ್ರಚಾರ

ಪೋಸ್ಟರ್ ಗಳು, ಪಾಂಪ್ಲೆಟ್ ಗಳು ಹಾಗೂ ವಸ್ತುಗಳ ಪ್ಯಾಕಿಂಗ್ ಮೇಲೆ ಇನ್ನಷ್ಟು ಮಾಹಿತಿ, ಆಫರ್ ನೀಡಲು ಬಳಸಲಾಗುತ್ತಿದೆ. ಕ್ಯೂ ಆರ್ ಕೋಡ್ ಸ್ಕ್ಯಾನ್ ಮಾಡಿದಾಗ ಗ್ರಾಹಕರಿಗೆ ಕ್ಯಾಶ್ ಬ್ಯಾಕ್, ವೆಬ್ ತಾಣ, ವಿಡಿಯೋ ಅಥವಾ ವಿಶೇಷ ರಿಯಾಯಿತಿ ಕೂಡಾ ಸಿಗಬಹುದು.

ಗ್ರಾಹಕರ ಸಂಪರ್ಕ

ಬ್ರ್ಯಾಂಡ್ ಗಳು ಗ್ರಾಹಕರಿಂದ ನೇರ ಅನಿಸಿಕೆ ಪಡೆಯಲು, ಚಂದಾದಾರರಾಗಿ ಮಾಡಲು, ಆಫರ್ ನೀಡಲು, ವೈಯಕ್ತಿಕ ಅನುಭವ ನೀಡಲು ಸಹ ಕ್ಯೂ ಆರ್ ಕೋಡನ್ನು ಬಳಸಬಹುದು.

ರಿಟೈಲ್ ಮತ್ತು ಈಕಾಮರ್ಸ್

ಸೂಪರ್ ಮಾರ್ಕೆಟ್ ಹಾಗೂ ಈ ಕಾಮರ್ಸ್ ನಿರ್ವಹಣೆಗೆ ಕ್ಯೂ ಆರ್ ಕೋಡ್ ಸಹಾಯಕ.

ವಸ್ತುಗಳ ಮಾಹಿತಿ

ಸೂಪರ್ ಮಾರ್ಕೆಟ್ ಶೆಲ್ಫ್ ಮೇಲೆ ಅಥವಾ ವಸ್ತುಗಳ ಹೆಸರಿನ ಮೇಲೆ ಕ್ಯೂ ಆರ್ ಕೋಡ್ ನೀಡಿ ಗ್ರಾಹಕರಿಗೆ ತಕ್ಷಣ ಹೆಚ್ಚಿನ ಮಾಹಿತಿ, ವಿಶಿಷ್ಟತೆ, ರಿವ್ಯೂ ಅಥವಾ ಡಿಮೋ ವಿಡಿಯೋ ನೀಡಿ ಅವರಿಗೆ ಖರೀದಿಯ ನಿರ್ಧಾರಕ್ಕೆ ಸಹಾಯ ಮಾಡಬಹುದು.

ಮೊಬೈಲ್ ಪೇಮೆಂಟ್

ಗ್ರಾಹಕರು ಕ್ಯೂ ಆರ್ ಕೋಡ್ ಅನ್ನು ಚೆಕ್ ಔಟ್ ಕೌಂಟರ್ ಬಳಿ ಅಥವಾ ಪೇಮೆಂಟ್ ವಿಭಾಗದಲ್ಲಿ ಸ್ಕ್ಯಾನ್ ಮಾಡಲು ಅನುವು ಮಾಡಿ ಕೊಟ್ಟು ಅವರ ಸ್ಮಾರ್ಟ್ ಫೋನ್ ಬಳಸಿ ಹಣ ನೀಡಲು ಸಹಾಯಕ.

ವಸ್ತುಗಳ ನಿರ್ವಹಣೆ

ಕ್ಯೂ ಆರ್ ಕೋಡ್ ಅನ್ನು ಇನ್ವೆಂಟರಿ ಮ್ಯಾನೆಜ್ ಮೆಂಟ್ ಅಂದ್ರೆ ವಸ್ತುಗಳ ಪಟ್ಟಿ ನಿರ್ವಹಣೆ ವ್ಯವಸ್ಥೆಯಲ್ಲಿ ವಸ್ತುಗಳನ್ನು ಟ್ರ್ಯಾಕ್ ಮಾಡಲು ಬಳಸುತ್ತಾರೆ. ಇದರಿಂದ ವಸ್ತುಗಳು ಎಲ್ಲಿವೆ, ಕಡಿಮೆ ಇದೆಯಾ ಇತ್ಯಾದಿ ವಿಷಯಗಳನ್ನು ಕಂಡು ಹಿಡಿಯಬಹುದು. ಆರ್ಡರ್ ಪೂರೈಕೆ ಸಮಯದಲ್ಲಿ ಇದು ಸಹಾಯಕ.

ಹಣ ಸಂದಾಯ

ಮೊಬೈಲ್ ಹಣ ಸಂದಾಯದಲ್ಲಿ ಕೂಡಾ ಬಳಸಲಾಗುತ್ತಿದೆ. ಇದು ಗ್ರಾಹಕರಿಗೆ ಕ್ಯೂ ಆರ್ ಕೋಡ್ ಸ್ಕ್ಯಾನ್ ಮಾಡಿ ಅಂಗಡಿಗಳಲ್ಲಿ ಖರೀದಿ ಮುನ್ನ ಪೇಮೆಂಟ್ (ಹಣ ನೀಡುವದು) ಮಾಡಬಹುದು.

ಶಿಕ್ಷಣ ಮತ್ತು ತರಬೇತಿ (ಟ್ರೇನಿಂಗ್)

ಮುಂದುವರಿದ ಕಲಿಕೆಯ ವಸ್ತುಗಳು

ಶಾಲಾ ಪುಸ್ತಕಗಳಲ್ಲಿ, ವರ್ಕ್ ಶೀಟ್ ಗಳಲ್ಲಿ ಅಥವಾ ಶೈಕ್ಷಣಿಕ ಪರಿಕರಗಳಲ್ಲಿ ವಿಡಿಯೋ, ಪ್ರಶ್ನೋತ್ತರ, ಹೆಚ್ಚಿನ ಕಲಿಕೆಯ ವಸ್ತುಗಳನ್ನು ನೀಡುವ ಕ್ಯೂ ಆರ್ ಕೋಡ್ ಹಾಕುವ ಮೂಲಕ ಕಲಿಕೆಯ ಅನುಭವ ಹೆಚ್ಚಿಸಬಹುದು.

ವರ್ಚುವಲ್ ಟೂರ್

ಮ್ಯೂಸಿಯಂ, ಐತಿಹಾಸಿಕ ತಾಣ ಅಥವಾ ಶೈಕ್ಷಣಿಕ ಪ್ರದರ್ಶನಗಳಲ್ಲಿ ಕ್ಯೂ ಆರ್ ಕೋಡ್ ಗಳನ್ನು ಇಟ್ಟು ಸ್ವಂತ ಮಾರ್ಗ ಅರಿತು ಟೂರ್ ಅಥವಾ ಆಳವಾದ ಕಲಿಕೆಯ ಅನುಭವ ಕೂಡಾ ನೀಡಬಹುದು. ಕ್ಯೂ ಆರ್ ಕೋಡ್ ಗಳು ಆಡಿಯೋ ಮಾರ್ಗದರ್ಶನ, ವಿಡಿಯೋ ಡಿಮೋ ಅಥವಾ ಆ ಸಂದರ್ಭಕ್ಕೆ ಅಗತ್ಯವಾದ ಹೆಚ್ಚಿನ ಮಾಹಿತಿ ನೀಡಬಹುದು.

ತರಬೇತಿ ಮತ್ತು ಪ್ರಮಾಣ ಪತ್ರ

ವೃತ್ತಿಪರ ತರಬೇತಿ ಪ್ರೊಗ್ರಾಮ್ ಗಳು ಹಾಗೂ ಪ್ರಮಾಣ ಪತ್ರ ನೀಡುವ ಕೋರ್ಸ್ ಗಳಲ್ಲಿ ಆನ್ ಲೈನ್ ಮೊಡ್ಯೂಲ್ ಗೆ ಪ್ರವೇಶ ನೀಡಲು, ಪ್ರಶ್ನೋತ್ತರ, ವಿಡಿಯೋಗಳನ್ನು ನೀಡಲು ಕ್ಯೂ ಆರ್ ಕೋಡನ್ನು ಬಳಸಲಾಗುತ್ತದೆ. ಇದು ವಿದ್ಯಾರ್ಥಿಗಳಿಗೆ ತಮ್ಮ ನೈಪುಣ್ಯತೆ ಹೆಚ್ಚಿಸಿ ಕೊಳ್ಳಲು ಹಾಗೂ ಮುನ್ನಡೆಯನ್ನು ಗುರುತಿಸಲು ಸಹಾಯಕ ಕೂಡಾ.

ಪ್ರಯಾಣ ಮತ್ತು ಅತಿಥಿ ಸತ್ಕಾರ

ಟಿಕೆಟ್ ಹಾಗೂ ವಿಮಾನದ ಬೋರ್ಡಿಂಗ್ ಪಾಸ್ ಗಳು

ಇಲೆಕ್ಟ್ರಾನಿಕ್ ಟಿಕೆಟ್ ವ್ಯವಸ್ಥೆಯಲ್ಲೂ ಕೂಡಾ ಕ್ಯೂ ಆರ್ ಕೋಡ್ ಬಳಕೆ ಆಗುತ್ತೆ. ಗ್ರಾಹಕರು ಈ ಮೂಲಕ ತಮ್ಮ ಸ್ಮಾರ್ಟ್ ಫೋನ್ ಅಲ್ಲಿ ಟಿಕೆಟ್ ಹಾಗೂ ಬೋರ್ಡಿಂಗ್ ಪಾಸ್ ಅನ್ನು ಪಡೆಯಬಹುದಾಗಿದೆ. 

ಇವೆಂಟ್ ಟಿಕೆಟ್, ಹೊಟೆಲ್ ರಿಸರ್ವೇಶನ್, ಬೋರ್ಡಿಂಗ್ ಪಾಸ್ ಎಲ್ಲ ಕಡೆ ಒಳಗೆ ಹೋಗಲು ಬಳಸಿ ಕಾಗದದ ಬಳಕೆ ಕಡಿಮೆ ಮಾಡಬಹುದು. ಗೇಟ್ ಬಳಿ ಅಥವಾ ಚೆಕ್ ಇನ್ ಕೌಂಟರ್ ಬಳಿ ಕ್ಯೂ ಆರ್ ಕೋಡ್ ಅನ್ನು ಸ್ಕ್ಯಾನ್ ಮಾಡಿ ಬುಕಿಂಗ್ ಅನ್ನು ಪರಿಶೀಲಿಸಬಹುದು ಹಾಗೂ ಸೇವೆಯ ಅನುಮತಿಯನ್ನು ನೀಡಬಹುದು.

ಪ್ರವಾಸಿಗರಿಗೆ ಮಾಹಿತಿ

ಪ್ರವಾಸಿ ನಕ್ಷೆಯ ಮೇಲೆ, ಬೋರ್ಡ್ ಮೇಲೆ ಅಥವಾ ನಗರ ಮಾರ್ಗದರ್ಶಿಯ ಮೇಲೆ ಕ್ಯೂ ಆರ್ ಕೋಡ್ ನೀಡಿ ಪ್ರಯಾಣಿಕರಿಗೆ ಅಲ್ಲಿನ ಆಕರ್ಷಣೆಯ ಬಗ್ಗೆ, ಊಟ-ತಿಂಡಿ ವ್ಯವಸ್ಥೆಯ ಬಗ್ಗೆ, ಸಾರಿಗೆ ವ್ಯವಸ್ಥೆಯ ಬಗ್ಗೆ ಮಾಹಿತಿ ನೀಡಿ ಪ್ರಯಾಣದ ಅನುಭವ ಹೆಚ್ಚಿಸಲು ಬಳಸಲಾಗುತ್ತಿದೆ.

ಹೋಟೆಲ್ ಸೌಲಭ್ಯ ಹಾಗೂ ಸೇವೆಗಳು

ಕ್ಯೂ ಆರ್ ಕೋಡ್ ಅನ್ನು ಹೋಟೆಲ್ ಗಳು ಅತಿಥಿಗಳಿಗೆ ಸೌಲಭ್ಯ, ಸೇವೆಗೆ ಪ್ರವೇಶ ನೀಡಲು ರೂಂ ಸರ್ವೀಸ್ ಮೆನುಗಳಲ್ಲಿ, ಸ್ಪಾ ರಿಸರ್ವೇಶನ್ ಗಳಲ್ಲಿ, ರಿವಾರ್ಡ್ ಪ್ರೋಗ್ರಾಂ ಅಲ್ಲಿ ಬಳಸುತ್ತಾರೆ.

ಆಸ್ಪತ್ರೆ ಮತ್ತು ಔಷದಿ

ವೈದ್ಯಕೀಯ ಸಂಶೋಧನೆ, ಆಸ್ಪತ್ರೆ, ಔಷದಿ ಹೀಗೆ ಹಲವು ಕಡೆ ಕ್ಯೂ ಆರ್ ಕೋಡನ್ನು ರೋಗಿಗಳನ್ನು, ಔಷದಿಯನ್ನು ಗುರುತಿಸಲು, ಅದರ ಮಾಹಿತಿ ಪಡೆಯಲು ಬಳಸಬಹುದು.

ರೋಗಿಯ ಮಾಹಿತಿ

ರೋಗಿಯ ಕೈ ಬ್ಯಾಂಡ್ ಅಥವಾ ವೈದ್ಯಕೀಯ ರೆಕಾರ್ಡ್ ಮೇಲಿರುವ ಕ್ಯೂ ಆರ್ ಕೋಡ್ ಗಳು ರೋಗಿಯ ಬಗ್ಗೆ ಮಾಹಿತಿಯನ್ನು ಡಾಕ್ಟರ್, ನರ್ಸ್ ಗಳಿಗೆ ರೋಗಿಯ ಮಾಹಿತಿ, ಸುಶ್ರೂಶೆಯ ಪ್ಲ್ಯಾನ್, ಟ್ರೀಟ್ ಮೆಂಟ್ ಇತಿಹಾಸ, ಅಲರ್ಜಿ ಮಾಹಿತಿಯನ್ನು ಸುರಕ್ಷಿತವಾಗಿ ನೀಡಬಹುದು.

ವೈದ್ಯಕೀಯ ಚಿಕಿತ್ಸೆಯ ಮ್ಯಾನೆಜ್ ಮೆಂಟ್

ಔಷದಿಯ ಪ್ಯಾಕೆಜಿಂಗ್ ಅಥವಾ ವೈದ್ಯರ ಲಿಖಿತ ಸಲಹೆಯ ಮೇಲಿನ ಕ್ಯೂ ಆರ್ ಕೋಡ್ ರೋಗಿಗೆ ಡೋಸೇಜ್ ಸೂಚನೆ, ಔಷದಿಯ ಆರ್ಡರ್ ಆಯ್ಕೆ ನೀಡಬಹುದು. ಅದೇ ರೀತಿ ಔಷದಿ ಅಂಗಡಿಯವರು ಕೂಡಾ ಔಷದಿ ನಕಲಿಯೋ ಅಸಲಿಯೋ ಅಥವಾ ಮಾರಾಟವನ್ನು ಕ್ಯೂ ಆರ್ ಕೋಡ್ ಬಳಸಿ ಪತ್ತೆ ಮಾಡಬಹುದು.

ಔಷದಿಯ ಪರೀಕ್ಷೆ ಹಾಗೂ ಸಂಶೋಧನೆ

ರೋಗಿಯ ಆಯ್ಕೆ, ಮಾಹಿತಿ ಸಂಗ್ರಹಣೆ ಹಾಗೂ ಸಂಶೋಧನೆಯನ್ನು ಟ್ರ್ಯಾಕ್ ಮಾಡುವದಕ್ಕೆ ಕ್ಯೂ ಆರ್ ಕೋಡ್ ಸಹಾಯಕ. ಭಾಗವಹಿಸುವವನು ಕೂಡಾ ಕ್ಯೂ ಆರ್ ಕೋಡ್ ಸ್ಕ್ಯಾನ್ ಮಾಡಿ ಸ್ಟಡಿ ಮಾಹಿತಿ, ಅರ್ಜಿಗಳು ಹಾಗೂ ಡೈರಿಯನ್ನು ಪಡೆಯಬಹುದು.

ಕೊನೆಯ ಮಾತು

ಕ್ಯೂ ಆರ್ ಕೋಡ್ ತುಂಬಾ ಉಪಯುಕ್ತ ಟೂಲ್ ಆಗಿದೆ. ಮಾಹಿತಿಯನ್ನು ಸುಲಭವಾಗಿ ಸ್ಕ್ಯಾನ್ ಮಾಡುವ ರೀತಿಯಲ್ಲಿ ಉಳಿಸಿ ಕಳುಹಿಸಬಹುದು. ಅವು ಸದ್ಯಕ್ಕೆ ಹಲವು ಬಗೆಯ ಉಪಯೋಗ ತರ ತರಹದ ಇಂಡಸ್ಟ್ರಿಯಲ್ಲಿ ಹೊಂದಿದ್ದು  ಇನ್ನೂ ಹಲವು ಕಾಲ ಮುಖ್ಯ ತಂತ್ರಜ್ಞಾನ ಆಗಿ ಉಳಿಯಲಿದೆ.